Parisen bizi naiz
Parisen bizi naiz
2013, poesia
144 orrialde
978-84-92468-48-5
azala: Kepa Gonzalez
Koldo Izagirre
1953, Altza-Antxo
 
2016, narrazioak
2015, nobela
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

ITSUMENA

 

artoa soroan behiak larrean

industrialdea errekan

ez dakit zer neukan gogoan

gelditu egin nintzen

txarrantxatik hurre

orduan sortu zitzaidan

euliak behiaren begian bezala

 

horixe etorri zitzaidan

euliak behiaren begian bezala

txarrantxatik hurre

ebateko zegoen artasorotik

larrearen goialdean

kasu eman nielarik

hausnarrean ari ziren buruei

 

zenbat aldiz ikusia ote nintzen

behiak larrean etzanda

txarrantxatik hurre

bidekoari beha hausnarka

ez dakit zer neukan gogoan

artean ez ohartzeko

euliak behiaren begian bezala

 

hori eman zidan ibilaldiak

apunte bat besterik ez

bere horretan utzia geroztik

euliak behiaren begian bezala

garatu ahal izan ez dudan

gogoetaren baten zati

euliak behiaren begian bezala

 

ez dakit inon irakurria

edo inori entzuna ote nuen

dakidan bakarra da

gelditu egin nintzela

orain paper honetan bezala

txarrantxatik hurre

euliak behiaren begian bezala