ANTIDOTO ZURIA

Urte birekin koroatu zuten erregina hura lez

moztu duten arrosa gorri itxiaren antzera

zeinak lur ustelarekin egiten duen amets

denok botatzen dugu faltan etorkizuna.

Eta itsasoak dakar beste itsaso zahar bat

maleta bat ohe gainean zabalik

madarikatu egiten dugu biharko alanbrezko egunkaria

hark dakar-eta gure Nakbaren berri.

Saien janlekuak hutsik daude

eta zerbitzari irribarretsuek

pozoia banatzen dute bidaiarien artean.

Nork emango digu antidoto zuria?