SAKATU

Bahituran dagoen gizonak

bizi nahi duela errepikatzen du

sakatu

Ekonomiaren nazionalistak

beste hogeita bost urtez aberastuko dira

sakatu

Cardiffeko uso gris eta beltz batek

Picasso eta Moneten lanak bereizten daki

baita Matissen margoek

Picassorenen antza dutela ere.

sakatu

Gasteizko Florida parkeko uso zuriek

ez dakite eskutik jaten besterik

sakatu

Ostarteek oporrak luzatuko dituzte

kantariak neguaren oldarpean

isil ez daitezen

sakatu

Gazako haurren biziraupena

hamahiru urtera igotzea deliberatu dute

sakatu

Kolonoek lurra jaten dute

harresiaren ortzimugaraino

sakatu

Dinosauroek aditz forma irregularrak zerabiltzaten

kromletxen erabilgarritasunaz teorizatzeko

sakatu

Euskaldunek ez dute

nor diren azaldu beharrik

itzali