KARTOGRAFOA NAUFRAGIOAN

botilak, mapak eta botilak

Eta ez dira mugak ixten,

ez dira txertoak asmatzen,

edo asmatuta ere ez dira banatzen.

Ez dira ostatuak zarratzen

mozkorrak gehiago ezin edan duenean.

Pandemia ikaragarria zabaltzen zait

mezurik ez duten ametsezko kartetan.

Ur gaziaren ispiluan

koarentena iduri dut.

Nola marraztu ikusten ez ditudan uharteak?

Nola trazatu nire baitan aurkitzen ez ditudan marrak?

Bakarti doaz neure paterak

gogo gabe, idorretik.