NORBERAREN APARTEKOTASUNAZ

«Ez dago zu bezalakorik»

dio kantariak

sukaldeko irrati zaharretik.

«Ez dago zu bezalakorik».

Egia da.

Ez dago zu bezalakorik, Zuriñe.

Ez zu bezalakorik, Ion.

Hi bezalako inor ere ez diat ezagutzen, Cesar.

«Ez dago zu bezalakorik».

Ni bezalakorik ere ez dago.

Zientzialariak karriketara atera dira

mezu nagusi bat ahotan:

«Berdin-berdinak diren bi zelulak ez dira mundu osoan».

Sukaldeko irrati zaharretik iragazten zen

kantuak halaxe baitio:

«Ez dago zu bezalakorik,

erran zion xinaurri batek bertze bati».