AKIDURAZKO OHARRAK - 3

Mingotsak dira zure haserrearen garangorriak.

Barruetan daukat beren zuku urri latza.

Herrestaka doa aldapan ene patari-bihotza.

Paisaje kiskali horretan

aurkitu ditut soberan destaina eta zigorra.

Zatoz, ibili zeu ere nirekin

eta bilatu mezuak harri-kiskirrietan.

Nire keinuak hor, agerian:

atera didazun begia,

moztu didazun mihia,

erre didazun eskua.

Ea goiztu orduko iristerik dugun

eremu antzu hori mugatzen duen

barkamenaren lubakira.