Bele beltz ausartak nagi jostatzen dira

alhan ibili dabiltzan axurien erdian,

lur gaineko bazka idorraren aixolbean

        euri egin dezan deika;

euri uhar mentura hondarrean agertzean

zeruan hedoi gris hantuak

garaile biltzen dira.

beltza lur gainean nola,

ortzaizean hala, urdin ttanka herabeak

hedoien setioari oldartzen zaizkio.

bihotza gudu-alor erraldoia denean

zeruak eta lurrak

bake-zigiluz janzten dira.