Galera errepikatuak
Galera errepikatuak
1992, poesia
100 orrialde
84-86766-39-7
azala: Yuka Fujii
Juanra Madariaga
1962, Bilbo
 
2009, poesia
2003, poesia
 

 

SINONIMOA

 

Nik ukan ditudanetarik

ez baitit deusek argitzen,

ez dakit zeren sinonimoa zaren zu.

Itsasoa, ausaz, zure begi nigartiarena.

Iretargia, zure bisaia zuriarena.

Hondartza, ausaz, zure erkaitz alaiarena.

Eta goiztiria, zure bihotz uzkurraren kolorearena,

baina zu,

ez dakit zeren sinonimoa zaren.

Halabaina

laga didazunaz denaz bezenbatean

ezin deusik ere erran,

lekat eta galera bilakatu zarela,

ezaldi bilakatu zarela,

eramankizun bilakatu zarela.

Ezin deusik ere erran,

lekat eta tormentu bilakatu zarela,

eta honen sinonimorik ez dut idoro nahi.