Galera errepikatuak
Galera errepikatuak
1992, poesia
100 orrialde
84-86766-39-7
azala: Yuka Fujii
Juanra Madariaga
1962, Bilbo
 
2009, poesia
2003, poesia
 

 

GALERAREN TRILOGIA

 

                                «tú justificas mi existencia:

                                si no te conozco no he vivido»

                                                        L. Cernuda

 

1. Zeruan tragaza bat bezala

 

          Zeruan tragaza bat bezala lertxoin-saldoa,

          aintzindari zangarrak markatu die abioa,

          gal baleza baina helmugaren hegoa,

          alde orotarik galdurik, bai, aldra eroa.

 

          Halaz niri, betikotz galtzean amaren beroa.

 

 

2. Berdetasunez beterik

 

          Berdetasunez beterik pagadi zaharra bedatsean,

          arbizi uherra dirudi egunaren goiztirian,

          zein biluzik ostera den udazken-amaieran,

          zein tristea lurrarentzat ohizko hostapea galtzean.

 

          Halaz niri, amaren altzo eztiaren faltan.

 

 

3. Itsaso zabalean

 

          Itsaso zabalaren uhin gainean ipar-izarra,

          hari so, aspaldidanik, itsasgizon zaharra,

          kresalarekin batera nahastuko da haren negarra,

          ziplo ostentzen baldin bada zeruko argi bakarra.

 

          Halaz niri, betikotz galtzean amaren zirarra.