Ostotsa leher daiteke

 

Danborren abisua, egurrezko ezkilak: burdinazko kapitulua;

Etxean bildu dira banatzen gaituzten geure haize horiek.

 

Gaurkoa ostotsaren mirari eguna da;

Zeinu sinbolikoen bidez

Eztabaida ekarri du burdinak. Hitz egin du ostotsak,

Ez du izenperik utzi: suntsitutako

 

Gotorlekuek soilik kontatzen dute haizeak barreiatzen duen ipuina

 

Mendia edo dorrea ikusmiran; adi, zuk bahitutakoak

Ai! Burdinak maisulanak egin ditu

Heroi gogoangarrien harrizko irudi koxkorrak, burdinazko txoriek

Gogor eusten zioten hegaldiaren emariari;

 

Burdinazko lanaren ostean mirari bat gotorturik kaiolan.

 

Atera itzazue diogu, atera itzazue

Bisaiak eta eskuak eta oinak,

Mitoaren atzeko istorioak,

Errituak antzezten duen trama.

 

Ostotsa leher daiteke, Lurra, lot nazazu agudo,

Setakeria, elefanteen gaitza.