Erbestea

Raul Gustavo Aguirreri

Aingeru naizen jakin behar hau,

ez izateko adinik,

ez biziko naizen heriotzarik,

ez errukirik nire izenarekin,

ezta negar betean alderrai dabiltzan nire hezurrekin ere.

Nork ez du amodio bat?

Nor ez da laketzen amapola artean?

Nork ez du su bat, heriotza bat,

beldur bat, zer edo zer izugarria,

lumaduna izan arren,

irri artean izan arren?

Eldarnio gaiztoa da itzal bat maitatzea.

Itzala ez da hiltzen.

Eta nire maitasunak

infernuko laba bezala jariatzen dena

bakarrik hartzen du besartean:

logia isil bat,

mamuak erekzio gozoan,

aparrezko gotzainak

eta batez ere aingeruak,

aiztoak bezain ederrak diren aingeruak;

gauez hegaldatu eta

itxaropena suntsitzen dute.