hau guzia sentituz idazten dizut

eta argialdi batean izan ninteke ibaia

kaskabiloen dilin zolia argazkiaren zilarrezko gatzetan

ezkutatzen duten ahuntzak

goratu ninteke gaztainondoa bezala sutondoan xuxurlatutako

ipuinetan

eta ibili dardarti hegaztiekin noraezean

edo lagundu ezpainen listuan ageri den tximeleta sulfurikoari

imita nezake artzain hura

edo bat egin bere gelditasuna nagi hozkatzen duen hiriaren ametsarekin

erraturik bizi naiz herrialde urtsu honetan

behar ditut irudiak hezurren erradiografiak

aurpegi desenfokatuak

paper eta ispiluetan inprimatutako gorputzen gaineko eskuak

begira

ez dut besterik

ezpada mezu hau zikindua gaur granada hazi finez

begira

nolatan horitu zen paperezko bihotza zu maitatzeko ahanzturan