Aurpegia

Zer pentsamendu bidegabea,

zer izaki miseria

higuingarrikoa

                   (gurpil

burrunbatsuak zapaldutako

sugea, gau osoan

herrestan joan dena:

haragi zaurituzko soka,

geldo zaila, sartu da

lorategi pribatu bateko

egunsentian hiltzera,

eta goiz arrosa eta berdea

nahasi egin du

euli suharren pikor luzeak eragindako

bozkarioak),

                zer laztura

sartu den orain

urratzen erraza den

burmuin honetan,

eta aurpegi gazte hau

urtu da segundo batez,

urtu da argizarizko

maskara bat bezala, eta ikusarazi dit

bertan ezkutatzen den

eta noraino gorroto dugun dakien

zaharraren aurpegi saihetsezina.