Joxemiel Erreparatzek Endika Lakarti, Joxerra Agirreri zuzendu gutuna  leitu ondoren

Agur, Endika, adiskide. Iraultzak hiri ere.

Hemen betikoan,

abertzale marxista utzi gintuan,

abertzale errebelde izan gaituk gero,

abertzaletasunari utzi zioagu ondoren,

errebelde gaituk orain, errebelde,

hitzaren zentzurik

sozialdemokratenean.

Merkealditan paratu ditek utopia eta

nik ere buelta asko ematen zizkioat

gure ideia haiei.

Joxerrak ere erretiroa hartu dik.

(Bizitza da handiena

galtzea litzake

galtzea dena)

hik nahi moduan

baina erabat.

Hemen betikoan.

Etxeak eraikitzen ditiagu

bizitzak beharrean

(gizartea ez aipatzearren).

Hemen betikoan,

biziaren zentzua

bizitza zentzatuz

aurkituko dugulakoan.

Bai, nik ere buelta asko

ematen zizkioat gure ideia haiei,

gure iraultza, gure nahiei.

Eta erretiroa hartzeari buruz,

nola demontre hartzen duk erretiroa

ideia batetik?

w2000