Txorabioa

Ez da ezer ez da egia

kontra nagoena naiz

kontraren kontra

ta inor ez dago nire alde.

Gauerdian nago

erromantikoen uhartean

izatearen mugan

mugaren mugan.

Eta Sadeko markesaren gazteluan.

Gauerdian nago

ta hilak ditut lagun

Aragon gaztea Tzara Neruda

Lautréamont Lelian gizajoa

Kafka

eta Baudelaireren begirada tristea.

Gauerdian nago

ta itzalak ditut lagun

bakarrik ez naizen

sekula sekulakotz.

w1961

Musika: Gari