Harrizko Jainko bati (Sukellu Kantalon)

Hunat gaur berriz gatozen Heure ganat

Basoihaneko Jaungoiko harrizkoa.

Heure loaldi luzetik atzarri haiz,

Mailu-baheak daduzkak esku banan.

Baina gizaldi huntako gizattoak

Heure zuzentzaz ez dituk gogoratzen...

Lehen, lurraren gaztaro-egunetan,

Itsasgorrira ekia zihoala,

Hilgai otzanak, aiztoaz hil-erhanak

Hire hituen harrizko aldaretan.

Ikusak! Jauna: hartzara, aiztodunik,

Hor gaituk, lehen ginenak Hire seme.

Basoihanean ginenaz oroit gaituk;

Hilgai berririk badukek aldarean,

Esku aratzez hiretzat guk erhanik.

Eki zaharrek inguru egin die,

Goizalde gazte hunetan jaiki hadi!

Heure bahean gizonak baha itzak,

Heure mailuaz jo ezak etsai oro;

Guri, Aita On, emaguk indar eta

Gure kastari Sirats on betirako.

w1951