onak eta gaizkiak

orobat izutzen nautena

eskilara biribil batean

igoz bezala

bizia herrestatzen dudana

izu askok katigatu izan nauena

eromenaren mugan egiak ezin edirenez

akitu naizena

eta bizkitartean bat edireiteko

fortuna ukan dudala, baitio:

«Hiru aldiz egiten du

gizasemeak negar

jaiotzean

hiltzean

eta bitartean»

eta orain

aldean behar hainbat diru zenuela

egokitu zintzaizkidalako

heriotza zer den jakin gabe

zure adin triste hortako bakardadetik

betiko lagun isila

betiko izaina

nukezuna.