nekez direla urak isurtzen

adiskidantza zaharren itsasoraino.

ibaiak lehorrik daude.

argirik ez da ageri.

denbora urratzen doa haragi minberak

astinduz.

bakarrik nabil kale hutsetan pentsatzen

nekez dela gaueko garrasia

entzuten munduaren bazterreraino.

eskuak hertsirik daude.

etorriko ez denaren zain.

esperantza galtzen doa bihotz hantuak

zirikatuz.

bakarrik nabil kale hutsetan pentsatzen

nekez ditugula hitz ahantziak

hedatzen maitasunaren mugetaraino.

ezpainak ikaran daude.

behar zaitut sahetsean.

amodioa loratzen doa soako urdinak

suntsituz.