Huts handi bat eta hala ez beharra,

Euritik landa den lohizko zipua

Edo xendretako harrixka meharra,

Ez dute irririk, begirik, oihurik,

Gu gabe mundua berdin lizateke:

Inutil gabiltza eskuak loturik ,

Ustea itxura, sinestea neke...

Biltzen ditugula besteren hondarrak

Urteak ixurtzen dira errautsetan

Hilez betirako hor zorion garrak,

Eta azken hatsaz bularren zokotik

Gure pizu latzak, airatuz hautsetan,

Kentzen gaitu laster geroen gogotik.