udazken lehorretako lehen lanbroak

ez dizkigu

maitasun beharraren desir astunak

laztanduko.

bihotz kraskatuetako haragi puska hormatuak

ezaren geltoki desolatuetan

ez ditugu nehoiz

beso artean

tinkatuko.

hor dago muga:

nola joan urrunago?

azken jujamenduaren orduan

zor guziak ordainduko ditugu

larru sukratuak ezpainez milikatu nahiak

eta

sufrantzaren ate ilunak bortxatzeko gutiziak,

zor guziak ordainduko ditugu

frustrazioaren eta kulpabilitatearen alabak garenok!