Biografiak

 

Kepa Errasti Gorroño (Aretxabaleta, 1981)

 

      Kazetaritzan lizentziatua, Donostiako Arte Eszenikoen tailerrean burutu zituen bere antzerki ikasketak. William Layton laborategian ere ikastaro trinko bat egin zuen.

      Aktore bezala telebistan lanean hasi bazen ere, berehala uztartu zuen lan hori antzerkiko lanekin. Gidoilari eta dramaturgo geroago hasi zen. Aktore bezala Txarriboda, Terapiak edo Garai Zekenak obretan aritu da besteak beste. Mami Lebrun izan zen berak idatzitako estreinako lana eta gerora etorri ziren Lur eta Erlauntza lanak. Xake Produkzioaken hirugarren lana izango dena idazten ari da orain: Fadoak entzuten zituen gizona.

 

Xake Produkzioak

 

      2015. urtean sortu zen, Mami Lebrun testuaren taularatzea gauzatu ahal izateko. Bi urtera publiko familiar batentzat zuzendutako Lur ikuskizuna estreinatu zuten eta 2020ko irailean estreinatuko dute beraien hurrengo lana.