parkeko irudia

21 mila liberetan erosia preso

zisneen aintziran herioaren irudia

      planeta ororen maitaleak bereiz zitzakeen

karezko lur zirriborratuak ere

hala nola zituen ezagunak

      hiriko antenetan katibu

      harrapaturiko orkatilak

lurrinik hegazkorrena eta

      pianista beltzen goante galduak

egun hojaldrezko hortzek

mugatzen diote dastamena

egunen arpegi deslaiak

bereiz ditzake soilik

zisne lotien begietan