zorionaren piramidetan

        azkazalaren arramazketan

zauritxo    luxe    fin    gorri    lehor    miazkagarria.

        maitasunari heldu nintzaion

          horma zuriari kontra

                    eta so

          zorionaren piramidetan.

    klak eta klak eskribitzeko makinaren pauso

                          berriketa,

  maite dudalako maite dudala marraztuz,

        dudaren hautsontzian

    mila zigarrotako arnas kutsatuak

    haren eta honen laztan urduriaren eske.

      azkazalaren arramazketan

    ezintasunaren aztarna folklore gisa

  aurreskua baino zaharrago milaka urtetan;

              (eta ikurrina baino zer esanik ez)

  hemen, ikurrin maindirearen ohe honetan

  mesa notxiaren gainetik gainezka alboan,

        mantak blai blai egin arte,

botilak milaka botil ustutzerako beteak.

                    kortxoaren epats

                  txaparen doministiku