urak bare itsasoa leun

ontzia emeki kulunkatzen da

apar arrasto zuria ez da zauri

eta uraren zimurretan ispiluek

eguzki gazia iresten dute

uhinek amorea gainditzean

minutu zahar guztien beldur kiratsa

kanporatuz

malkoak itsaso bilakatzen dituzte

gizon berriaren esamesak

oihartzunaren altzoan tarte eta kabi,

karizia xamur batek

gizon zahar berriaren ipuina kontatzen digu

eta odola bare

zuzpertzear dagoen

itsaso maitakorraren abisu