Asko idatzi dut,

negar galantik ere egina dut,

halere loaren sehaskan gehiago jan dut, eta

orduak deusezean marduldu zaizkidan kezka ene

barne barnean daramat.

          Bizitza motza baita, egun edozer ezerezetan

orduak kizkurtzeko.

          Barre ere badut galanki egin,

amodioa egiten ere trebatu naiz,

halere ametsen zelaietan gehiegi amildu ditut nire

ordu ahulak, eta bildur naiz.

          Ez dut nahi, inola ere ez, hiltzean, jaio nintzen

bezalako printz pittirra izan, zerbait gehiagoren

baitan utzi nahi ditut nire ordu luzeak...