Pake eta hitz politak aipatzen dituzten

doktore eta politiko guztientzat aitzur bat

daukat neure baratzan, jorra ditzaten esaten

dituzten lelokeria guztiak eta bekiten

sekulan ez dela pentsatuko bonbaitxo izerdiz

apaindutako baten barnetik edo eta kamisa txuri

baten lepotik.

          Apaizari ere eskatuko nioke jaisteko

pulpitotik eta gaizto eta onetaz hasteko mintzatzen

aste guztia arrantzan pasa ondoren, orduan

gaiztoak eta onak ez bait dira berdinak.

          Makina bat ideia aldatzen zaizkigu geure

urdaila zaindari dugunean. Nola eskatuko

pobreak eta aberatsak izan behar dugula berdinak, urrez

beterik dagoen tripadun bati?