Itxastxorien bindikapena
Itxastxorien bindikapena
1985, poesia
94 orrialde
84-398-3095-5
azala: Fernando Sanz
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1986, poesia
 

 

Alkodola

 

Edan ahala

hitz berriak asmatu beharra daukagu

kanpoan zein guregan dena

hitzez aipa ahal izan dezagun.

            Alkoholari bidea ematen diote

            asmakari berriak

            alanbike arrago eta abar

            izendatu ditugun era berean.

            zainetan gora eta behera

            dabilen alkoholak eragindako

                          begi urtsuetan

            dagarren umore isladakorra ere

            hortxe dago agirian

            berari erizten dion hitzik ez dugula ...

                          ... odol, umore...

                          alkohol aintzinodol protondol

Asma dezagun bada

hitz berria

borobila

bere perfekzio dialektikoz

errealitate berria izenda dezakena

Jainkoa bera asmatzeko gai ez dena

            Odola izan gabe odola dena

            Alkohola izan gabe alkohola dena

            Alkohola? odola?

            begietan dagerren zera hori

            definituko duena.

                                      ALKODOLA.