Izaro

Mendetan zehar itsasoan lo naro

ene harkaitz bakarti iraunkor

beti zure tokian mutu gotor

zaitut ikusten hortxe Izaro.

Urdinean itsastar mendiska ero

ekaitz-toki bildurrik bakoa

itsas-txorien hegal oparoa

sorbaldarentzako duzu habi bero.

Bustitasunean harrotasun lehor

herriaren gogotik ez bait doa

horko uhin oinetan ito den inor.

Betoz gugana beste mila gaztaro

bizitzaren lekuko harri gor

Kantaurin iraun ezazun luzaro.