Gauzurtz baten izenak asmatzen
Gauzurtz baten izenak asmatzen
1985, poesia
80 orrialde
84-398-2558-7
azala: Joxemi Zumalabe
Eneko Olasagasti
1960, Donostia
 
1983, poesia
 

 

Beyrouth-2

 

Fedayin batzuk militar jantziaz

Hamra kale erdian begiratzen dituzte

saltzaile baten maleta hutsak,

azken erromantikoen itxaropenak gordetzeko

maleta hutsak.

 

Elianek begiak gorriak ditu

bere etxe aurrean dauden zarama sutsuengatik,

Estrale zineman bilatu zuen bart etxea,

israeldarren inbasio bezperan «Exterminatzailea»

botatzen zuten.

 

Handik, bonben zarata urrun entzuten da

Akomodadore papera betetzen duen miliziano batek

gorde behar diren neurriak azaltzen ditu.

—hemen ezin da erre, baju hitzegin, eta transistorean

berriak entzun nahi badituzue, egin ezazue arren

deskantsiloan—

 

Bainan Elianek,

Beyrouthen beste askok bezala, atzodanik

gertatutakoaz hitzegiteko iragana erabiltzen du.

Maletek hutsik diraute,

lekua egiten borroka galdu guztiei,

atzerrirako bidea

azken hiri erromantikoaren eskonbro gainetan.