Kanpoko kresala ikutu nahi

Egongela ketua.

Argi motela,

berba eskas.

Asko gara elkarren ondoan.

Inor ez,

ostera,

elkarren baitan.

Hitz-jokoak,

irriño zabalak,

negar isilak.

Kanpoko kresala ikutu nahi

barne-hotz honetako solasaldi bakartian.

Egun ororen denborapasa,

gomutaren eredu koloregabekoak,

irrati amets-zalea.

Apainketa urreztua non eta

nire burutazioen irudi estuetan.

Honenbeste berriketa azpian

nola loratu ote

beste era batera moldatu behar dugulako ideia?