Andy Warhol

          azaldu zitzaidan

katu bat besoetan.

    Pipa piztu nuen,

      eta galdezka hasi nintzen.

    Esaidazu,

        zergatik iruditzen zait beti

zure itxura mitologikoa,

      erdi lamia, erdi aladino, erdi Odin,

    non gorde dituzu Prometeoren Hegoak?

Beti Campbell Soup, Coca-Cola eta AMERIKA...

        Katua bien erdian jarri zen

            laztan nezakeen bere biloa,

      bere larrua

              gure bion azalak

          baino beroagoa zen,

            suge bat zen, kokodrilo, narrastia

        katu majikoa

            Aladino,

      Odin,

              Lamia.