ZORIONA, LAKUA

Deitu dizut baina ez dit deirik eman

esateko bihotza arbuiatu didala gorputzak.

Benetako maitasuna etorri da

hasieran pentsatu dut gorrotoa zela

eta ia-ia elkar joka hasi gara,

nor zara zu, nor zara zu?

Nire hegazkinen ostertzak

eta zure irlen bits urrunak,

honelako gau batez amets egin nuen

ondoan zintudala, eta agertu.

Gero galdu egin zintudan,

eta barkatu egin ninduzun behin Donostian.

Deitu dizut baina ez dit deirik eman

esateko aingeru hauek hitz egiten dutela

gure haurrek bezala diote:

“Lurra berotzen duten suak

piztu dira” edo

“ez izan beldurrik, aita”.