OIKOS

Sugeak hil ez eta bakean uzten zituen mutila

—Bargondiakoa, Neberakoa?—

soldadu eroan zuten, urrun.

Ametsetan egiten zuen kaskailuakaz

arrankarien zuloakaz.

Hotzaren hotzez, behin, udamin.

Zer ariko ote ziren neba-arrebak,

abarrak pizten?

Soldadu eroan zuten eta

soldadu zegoela

Gabon eguna heldu zenean

ai etsean banengo esaten zuen berak,

ai etsean banengo.