Spray
Spray
2011, poesia
96 orrialde
978-84-92468-27-0
azala: Lander Garro
Paddy Rekalde
1964, Deustua
 
2006, nobela
2004, poesia
 

 

DILDO

 

                                                    ni ez naiz poeta sport bat

                                                                    C. E. Ferreiro

 

Poesia mailu bat dela esan ziguten,

etorkizunez kargaturiko arma ikaragarria

eta horixe izan beharko litzateke, zalantza barik:

 

injustiziaren hormatzarrak zulatuko lituzkeena,

ahanzturaren aurrean ispilu lotsabakoa,

oinazearen aurrean laztan luze bat,

eguneroko miseriak, faltsukeriak edo egia aitorrezinak

agerian utziko lituzkeen erreminta zehatza,

eta zergatik ez,

bihotzera doazen estolderiak libratuko lituzkeena,

buruaren ziega estankoak arrakalatuko lituzkeen mailua.

 

Poesia mailu bat dela esan ziguten, idatzizko lehergailua,

horixe izan beharko litzatekeela zalantzarik ez daukat,

baina bizi garen mendebaldeko

merkatalgune itzel honetan

sarritan pentsatzen dut

masturbazio propiorako

bibradore bihurtu dugula poesia

 

dildo dildo dildo...