ZELAN DISEKZIONATU
MUSU LUZE BAT EZPAINETAN

literaturaren gaineko lizentziatura

eta haren inguruko bestelako ikastaroak

eginda dauzkan kritikari honek

amodiozko poema zoragarri hori hartu eta

musker berezi baten aurrean balego bezala

disekzionatu egiten du odol hotzean

itsasoak hondartzara ekarritako izurde hil bati

egingo lioketen autopsia bezain hotz

eta poema hori emozioa eta desioa bada ere

erloju zahar baten antzera ireki nahi du

bitartean

            maitaleek

mihiak saman olgetan ari direla

                elkarri

xuxurlatzen diote

                      poema hori