HONDARTZAN

Kotoiz bete duten kanpaia

isilik dago, zerua airean,

eta haitzetara etorri diren txorien soinu tresnak

erosten ditugu gure belarri zaharrekin.

Badatoz zauritutako olatuak barkamen eske,

uretako giltzen zarata tristea ateratzen.

Nekazari arraroak dira ontziak.

Ni neu ere marra hartan jaio nintzela pentsatuko nuke

esku hauek ez banitu,

ez balira berriztatuko zureak ukitzen dituztenero.