Zuk aldiz mezu berezia hedatzen duzu on line.

Hariaz bestaldean mustupil zurbilak

hurbiltzen dizkidazu.

Xirula bat eta gitarra desafinatu baten opari paperean

bildurik iristen zaizu ahotsa.

Itsasoaren gogoak zakartza.

Sakoneko trenak asagotzen,

galopan, kableetatik datozen

jipoi uniformatuak bailiran.

Galarazitako pikardiaz janzten dituzu eleak.

Gaur praka koadro ilunak gurutzatuz atzeman zaitu

telefonoaren zerbitzu sekretuak.

Niri udagoieneko maitasun honen arbolaren antzera

ihartzen zaizkit deklarazioak

eta urruntzen ikusten ditut noraezean

zure hondoko ahotsean doan trenaren bidetik.