Erresuma honetan debekatua da amets egitea

    kristalak beso guriak zauritzen hautsita

    irribarre ahul bat horiztaturik hiltzeko euriak

    zoruko grisean negarraren plantak egiten

    txikle paperetan idazten dolumin txartelak

eta eskuetan ezpatarik ikatzik ez daiteke agertu ukitzen ditudanean

orbela lurretik hartzean ez dira hunkitzen hori deritzazun arren

eta nik

    euriaren pean musukatu ditut zazpi buruko herensugearen ezpainak

    zuen primua zena paperontzi bete batean hilik kausitu dut

    ekarzak honuntza txanpaina

eta halan doaz orduak

ostarkua eta aluak hartxintxarrez betez

eta halan doaz gizasemeak

undina zahar baten altzoan tarteka-marteka erortzen direla

    ekarzak honuntza txanpaina