Soneto profanatuak - II

Erpuruetan izerdi ttanttatto

distirakorrak kalanbrekadetan

erdituak barru barruko pistolak

disparatuta legez bai auskalo

ernemindu egingo ote den al-

diz gorrotoa gaindi beste zerbait

erdeinu iraunkorra mendekuzko ez-

tiz elika ditzagun gure mamu

gautiarrak elektrodokume

gauzatuak ez haragi ez he-

zur izan barik eztarrian gora

pilatzen zaigun bisitari nahas-

pila ito dezagun betirako i-

zurri hori tortura deusez dadin.