Txalupaz promenadea
(Bikote preziatuena balantzan)

Non bikote ezkonberri paregabea arrotz sentitzen den, lehen aldiz gaua iragaiten duten bitartean kamino ertzean; zetazko paineluak airean, txantxeta artikuluak atzean...

Pariseko bidea. Apuntadoreak dio: Lurraren

errotazio higidura sentitzeraino...

Gizonari andreak:  —debru liztorra!

(sexu zehatza)        sar iezadak miztoa

                            piztu duk nigan

                            istripu ezezagunaren

                            izu eta luxuria bikoitza!

Andreari gizonak:  —maradikazioa!

(modelo baldarra)  porederik banu...!

                            barrabiletan sartu zaidan

                            zakil tentea atzeratu

                            ze leku arraroa

                            ostaturik balego

                            akabatzeko hasitakoa!

Aingeru korukoak:  — ...eta halere lubiziaren gunean

(ikaragarri              gure une zoriontsuenak...

perbertsuak)          ausartena da zeruen errainua!

Narratzaileak: Mementu honetan azaltzen da, ia estalia izan den eskenan sikopata maskaratua; ikusleek kaosa antzemango dute, oihu, kristal hautsien hotsa, borroka, oihalaren nahasmendua...

w1991