Poesia kaiera
Poesia kaiera
2001, poesia
64 orrialde
84-95511-23-1
Amaia Lasa
1948, Getaria
 
 

Gizonaren amets okerra

 

Ortzean libre zihoan

eguzki ahaltsu baten

erreinu indartsu batetik

izarrak bezain argi

sortuak gara

Eva beltzaren

alaba guztiak.

 

Jaungoiko ar batek

gizonaren saihetsetik eginak

amestu gintuen.

 

Amets oker

          anker hark

gure ahalmen

        indar

        gogo guztiak

ilunbeen iluntasunera

baztertu zituzten

argiaren arrazoirik

arrazoiaren argirik

ez bagenu bezala.

 

Baina gu

amets oker

anker guztien garaile.

 

Argiaren egarri

bizitzaren agintari

libertatearen borrokari

lur berrien eragile

                          eguzkiaren bideetan goaz

amets berriak eraikiz.

 

w1997