urteak joaki

urteak heldu,

berrogoita hameka urte badu,

kolpatu baten bila joaki,

bizia duzula gerlan galdu.

Eta gu, zure euskal anaiak,

aintzinat goazi,

euskaldungoaren etsaiak

nahiz gibelarazi;

odolik dueno,

ez baitzaio

fededun gizonari haizu

amor emaitea,

ukatzea,

ihes egitea.

Zuk bezein bihotzdunki

hori nork daki?

Zuk hori daukuzu erakutsi,

lagunaren maitez,

etsaien tiroeri

ez eginez

ihesi.

Kolpatu hori,

dena zauri

den hil-hurren hori

euskaldungoa dugu orai.

Badu zauri,

badu etsai.

Nor du alde?

betitik eta betiko

nor du orai

bihotz-odol emaiteraino

adiskide?