BASATI BELTZAK ETA
BASATI ZURIAK HEGOAFRIKAN^[36]

      Boerrak herbesteratu duen basati beltzak ontasuna, laguntasuna eta kidetasuna zituen gainezka, izakirik adoretsuena zen, munduko bizimodurik laxoena zuen; eta beti zegoen prest eta gertu. Bilutsik zebilen, zikina zen, behi baten gisa gobernatzen zuen bere burua, indolentea zen, fetitxe bat adoratzen zuen, basatia zen eta basati zuen ohitura oro, baina izpiritu alaia zuen eta jarrera oneko barrena.

      Haren ordeko boerra jarri zen, basati zuri bat, zikina, behi baten gisa gobernatzen du bere burua, indolentea da, fetitxe bat adoratzen du, motza, serioa, larria da, eta beti ari da bere burua zerurako adorez prestatzen, beharbada beste inon jasan ezin izango dutela somatzen duelako.

36. A.B. Paine, editore, Mark Twain's Notebook. Copyright 1935 by The Mark Twain Company, Harper and Brothers, New York, 1935.