Azken zakatzak
Azken zakatzak
2017, poesia
144 orrialde
978-84-92468-93-5
azala: Ramon M. Zabalegi
Martxel Mariskal Balerdi
1964, Hondarribia
 
 

 

SUGE KOPULATIK SORTUTAKO UNIBERTSOA

 

 

destripatzaileen gotorlekua

bahitzaileen kasinoa

torturatzaileen bainuetxea

tenienteen kortijoa

latifundisten armategia

bizkartzainen garita

mendekatien sator-zuloa

hiltzaileen txaleta

 

gorteko maskara dantza pribatuak

artile eta fede merkatarien chaise longueak

felpaz forratutako mingain zurituak

eraztunez jositako hatz purpurak

etiketaz jantzitako garezur zulatuak

ustiapen zoroaren apaingarriak

 

irakasleen eta liburutegien garbiketa prozesua

inoiz bukatu ote zen galdezka nabil neure kabutan

eta ea itaunketarekin noizbait amaituko ote dudan

 

gorotza pixa odola eta bolbora usaina

ospitale psikiatrikoan

kaperak bailiran mozorrotutako ziegak

kakatza historia liburuetan

milaka hestegorri itxietan

poema debekatuak hortzik gabeko ahotan

agure nekagaitzaren memoria

arrastaka iritsi da garaile

aulki kulunkarira