ZATOZ NIREKIN

esnea isurtzen du ilargiak

nerabe bakartiaren

masail zurbilean

tantaka-tantaka

urtzen da denbora

gerorik ez duen

orain izoztuan

esnea isurtzen du denborak

ume jaioberriaren

aho arrosan

tantaka-tantaka

urtzen da ilargia

lehenik ez duen

orain izoztuan

lo daude

agurearen bizi tatuajeak

amets zimurtuetan

lo daude

elurtearen azal tenkatuan

bakea da haren ametsa

eta bakea da nire nekea

esnea isurtzen du ilargiak

argizarizko denboran

eta ahopean

esaten dit odolak

zatoz nirekin

zatoz nirekin

tantaka-tantaka