Aingurak erreketan
Aingurak erreketan
2001, poesia
88 orrialde
84-95511-44-4
azala: Xabier Gantzarain
Jon Benito
1981, Zarautz
 
2010, poesia
 

 

GURE TRISTURAK ETA BELDURRAK

 

Zer dakarkit pozak

etengabe islatzeko ispilu bat ez bada

edo bizkarrean daramagun mugarria

Zauri gaizki osatuak

egunen etorri ahula edo

nomadismo ziklikoa ez bada

 

Hazia beste nonbait erein nahiko genuke

gure barnerako gari lurrak

eta ahalik eta kardiograma lausoena izan

esku batekin sortu eta bestearekin apurtzen dena

 

Isilka ari naiz

isilka ari banaiz beldur naizelako da

isilka ari banaiz esanahia berbera delako da

mezuak irauten duelako

mezurik badelako nire hitzetan

zuri ari natzaizulako nahiz eta isilka eta beldurti ari

 

Barkatu

baina beti dut

zerbait apurtu dudan sentipena

isilune gozo bat edo

sentipenen oreka errepikakorra

 

Berdin dio

esku makalez ari banaiz ikatzezko hitzak idazten

ez naiz justiziaz ari

begiak zapi zuriz estaltzen ditudan arren