Aingurak erreketan
Aingurak erreketan
2001, poesia
88 orrialde
84-95511-44-4
azala: Xabier Gantzarain
Jon Benito
1981, Zarautz
 
2010, poesia
 

 

BIHAR ERE ARGITUKO DU EGUNAK

 

Mikel ez zegoen arduratuta

sabaia zeru hurbilago bat zela iruditu zitzaion

materialagoa eta errealagoa aldi berean

 

Gloriak deitu bitartean bazuen denbora apur bat

loreak urkatzeko

zigarroak piztu eta

aireak zelan kontsumitzen zituen ikusi

eta katuari kontserbako janaria emateko

 

Halaxe beste urtebetez egon zitekeela

iruditu zitzaion

bakearen apologia zela hura

 

Telebistan kantari ari zen Jim Morrison

Aspaldi preziatutako kolore andana

alferrik kabitu zitzaion begietan

 

Larrutuko ziren azalez eta hitzez biak

ez zuten ilunabarraz postalik egingo

bazekiten-eta egunsentia aurreratuko zitzaiela

elkarri deus eskatu gabe