NORK EZ DU BERRIZ SORRERARA ITZULI NAHI?

Nahiago dut sagarrondoen azpian

argazkiak ateratzen ikus zaitzadan

eta ni limoiondoei sendo helduta

arramatatik margaritak erauzten

Gezurra diote argazkiak betirako direla diotenek

Inoiz saiatu zara argazkiekin ontziak egiten baineran?

beste norabait garamatzaten ontziak egiten?

Harrika apurtutako leihoak osatzen?

Argazkiak koloregabetu eta usteldu egiten dira

hitzak eta promesak bezala edo orain garen hau

Argia itzalita bakarrago gaude orain

Limoiek bonbillak dirudite

edo zerbait haragitsuagoa esnetsuagoa

Euria dakarzu zurekin

Orain ikusi nahi zaitut

argazkiak eta ni arramatatik margaritak erauzten

Euria dakarzu zurekin

hilekoa eta zikloa berresten duten antsiak

Biluzik

berriz birsortzen gaituen guztia maite dugu