Zainetan murrailak
Zainetan murrailak
1987, poesia
82 orrialde
84-86766-02-8
azala: Joxean Muņoz
Jose Luis Otamendi
1959, Azpeitia
 
2014, poesia
2007, poesia
2000, poesia
1999, narrazioak
1995, poesia
1990, poesia
 

 

Gogoratuko duzu heriotzak zuen masail horia

gelako itzal ketsuan

agure eta amona aulki marroietan

bete beharrekin jarrita

 

korridorean zoru freskoa

pauso ahul batzuen azpitik

eta negar pixka isilik

haurraren bideak leuntzen

 

bi koadroetan arbasoak

denbora hatzetan balego bezala

eta behakoak orman erhailak

edo ezpain gorrien puzturan

 

jendetza triste marmarka

besarkadak eta intzentsua

pertsonen joateaz solasa

eta bihotzean gorde ezin lurrera zeramaten kaxa

 

eskaileretan beheruntz baldar

karreran

kalean

airean

            geldiro kanpaiak

            haurtzaroa iheska

            arropa beltz haiek

            ta atea itxi zuteneko danbada