BIDAZTIA
Ez dago mesanotxerik
ohearen zure ertzean,
oihartzun bakoa da
zure atzamarren tinbre hotsa.
Ez duzu zapaten zantzorik
atariko lanpasean,
hanka puntetan alde egiten digu
maitasun gauetako egunsentiak.
Ez dakarzu bidai txartelik
ez bada joanekorik,
erlojuarekin batera zapartatzen diren
laztanez nago hilurren.
Etorri zatoz baina
ez zara egundo geratzen.
© Gotzon Barandiaran